‘நயன்தாரா: பியாண்ட் தி பேரி டேல்’
தமிழக திரையுலகில் லேடி சூப்பர் ஸ்டாராக வலம் வந்து கொண்டிருப்பவர் தான் நயன்தாரா. தமிழ் மொழியில் ஐயா படத்தில் நயன்தாரா அறிமுகம் ஆனார். இந்த படத்தில் சரத்குமார்க்கு ஜோடியாக நடித்துள்ளார். இரண்டாவது படத்திலேயே சூப்பர் ஸ்டார் ரஜினிகாந்த்க்கு ஜோடியாக சந்தரமுகி படத்தில் நயன்தாரா நடித்து மக்கள் அனைவர் மனதிலும் இடம் பிடித்தார். இதனை தொடர்ந்து 20 வருடங்களுக்கு மேலாக திரைத்துறையில் லேடி சூப்பர் ஸ்டார் என்ற பெயருடன் கொடி கட்டி பறந்து கொண்டிருக்கிறார்.
கடந்த 2022 ஆண்டு இயக்குனர் விக்னேஷ் சிவனுடன் கல்யாணம் நடந்தது. நயன்தாரா, விக்னேஷ் சிவன் இருவரும் காதலித்து திருமணம் செய்து கொண்டார்கள். இவர்களுக்கு உயிர், உலகம் என்று இரண்டு மகன்கள் உள்ளனர். தங்களுடைய வாழ்கையில் அதிகமான அன்பை கொட்டி தன்னுடைய மகன்களை வளர்கிறார்கள் நயன்தாராவும், விக்னேஷ் சிவனும்.
Also Read: கூலி படத்துல சிவகார்த்திக்கேயன் நடிக்கிறாரா?
நயன்தாரா, விக்னேஷ் சிவன் திருமணம் மாமல்லபுரத்தில் நடைபெற்றது. இந்த திருமண நிகழ்ச்சியை வீடியோவில் பதிவு செய்து ஓ.டி.டி. தளத்தில் வெளியிடப்பட்டது. இந்நிலையில், நயன்தாராவின் சிறுவயது வாழ்க்கை முதல் லேடி சூப்பர் ஸ்டார் ஆனது வரை உள்ள சம்பவங்கள் அனைத்தும் ஆவணப்படமாக தொகுத்து தயாரிக்கப்பட்டுள்ளது. இந்த ஆவணப்படத்தில் நயன்தாராவின் பேட்டியும், படப்பிடிப்பில் பங்கேற்கும் காட்சிகளும், மேக்கப் போடுவது போன்ற காட்சிகளும், விக்னேஷ் சிவனுடன் ஏற்பட்ட காதல் போன்ற பல விஷயங்களை இந்த ஆவணப்படத்தில் தொகுத்து வழங்கியுள்ளனர். நயன்தாராவை பற்றி மற்றவர்கள் பேசும் பேட்டியும், திருமண விடியோ மற்றும் போட்டோக்களும் இணைக்கப்பட்டுள்ளன.
இந்த ஆவணப்படம் நெட்பிளிக்ஸ் ஓ.டி.டி. தளத்தில் வருகிற 18 ஆம் தேதி வெளியாக உள்ளது. இப்போது இந்த ஆவணப்படத்தின் டிரெயிலர் வெளியாகி உள்ளது. ‘நயன்தாரா: பியாண்ட் தி பேரி டெல்’ என்று தலைப்பிடப்பட்டுள்ளது.